• Басты бет
  • Пайдалану жағдайлары
  • United States United States
    English
  • Қазақстан Қазақстан
    Қазақша Русский
  • Oʻzbekiston Oʻzbekiston
    Oʻzbekcha Русский
  • Кыргызстан Кыргызстан
    Кыргызча Русский
  • Türkiye Türkiye
    Türkçe English
  • México México
    Español
  • مصر مصر
    عربي English
  • Brasil Brasil
    Português
Бізбен байланысыңыз
  • Басты бет
  • Пайдалану жағдайлары
  • Бізбен байланысыңыз
Артқа

Пайдаланушы келісімі

2026 жылғы 5 қарашадағы редакция.

1. Жалпы ережелер

1.1. Осы Пайдаланушы келісімі (бұдан әрі – «Келісім») «Cybernet (Кибернет)» жауапкершілігі шектеулі серіктестігі, БСН 200340022598 (бұдан әрі – «Оператор») мен HubTalk Платформасында тіркелген заңды тұлға, жеке кәсіпкер немесе жеке тұлға (бұдан әрі – «Пайдаланушы») арасында жасалады. Оператор мен Пайдаланушы бірлесіп «Тараптар» деп аталады.

1.2. Келісім қосылу шарты болып табылады (Қазақстан Республикасы Азаматтық кодексінің 389-бабы). Пайдаланушы оның талаптарын ескертпелерсіз тек толығымен қабылдайды.

1.3. Келісім Платформаны пайдалану талаптарын айқындайды.

1.4. Келісімнің өзекті редакциясы https://cyber-net.ai/kk мекенжайында орналастырылған.

1.5. Келісім қазақ және орыс тілдерінде жасалған. Қазақ және орыс тілдеріндегі мәтіндер арасында алшақтықтар болған жағдайда орыс тіліндегі мәтін басым болады.

2. Терминдер

ТерминМағынасы
Платформаhttps://app.hubtalk.kz мекенжайы бойынша қолжетімді, Copilot-ты, Агенттер редакторын, тестілік қоңырауларды қамтитын HubTalk бағдарламалық сервисі.
АккаунтПайдаланушының Платформадағы электрондық пошта мекенжайына байланыстырылған есептік жазбасы.
АгентПайдаланушы Платформада жасайтын дауыстық агент: баптаулар жиынтығы (аты, дауысы, тілі, үн ырғағы, сәлемдесуі, сұрақтары, ережелері, компания туралы ақпарат, әңгімені аяқтау сценарийі).
CopilotПайдаланушының сипаттамасы бойынша Агенттің баптауларын қалыптастыратын және өзгертетін, жасанды интеллектке негізделген Платформа функциясы.
Тестілік қоңырауПайдаланушының құрылғысының микрофонын пайдалана отырып, браузер арқылы Пайдаланушының Агентпен сөйлесуі.
Пайдаланушы контентіПайдаланушы Платформаға енгізетін немесе жүктейтін кез келген мәліметтер: сипаттамалар, мәтіндер, файлдар, білім базалары, Тестілік қоңыраулардағы дауыс пен сөйлеу.
Синтетикалық нәтижеПлатформаның жасанды интеллект жүйесі жасаған немесе өзгерткен аудио, мәтін, кескін немесе олардың комбинациялары, оның ішінде Агенттің дауысы.
Үшінші тұлғалардың деректеріПайдаланушы Платформаға жүктейтін, Пайдаланушы болып табылмайтын тұлғалардың дербес деректері.

Келісімде «ЖИ туралы заң» «Жасанды интеллект туралы» 2025 жылғы 17 қарашадағы № 230-VIII Қазақстан Республикасының Заңын, «Дербес деректер туралы заң» «Дербес деректер және оларды қорғау туралы» 2013 жылғы 21 мамырдағы № 94-V Қазақстан Республикасының Заңын білдіреді, әрқайсысы қолданыстағы редакциясында.

3. Келісімге қосылу және тіркелу

3.1. Пайдаланушы Платформада тіркелу және «Пайдаланушы келісімін қабыл аламын» өрісіне белгі қою арқылы Келісімге ескертпелерсіз тұтастай қосылады. Осы сәттен бастап Келісім жасалды деп есептеледі.

3.2. Дербес деректерді жинауға және өңдеуге келісім (1-қосымша) Платформада тіркелу кезінде бірыңғай құжат шеңберінде ресімделеді және оның қабылданғаны жеке белгімен расталады.

3.3. Тіркеуден өтіп жатқан тұлға мыналарды растайды:

  1. оның 18 жасқа толғанын және толық әрекет қабілеттілігі бар екенін;
  2. егер ол заңды тұлғаның немесе жеке кәсіпкердің атынан әрекет етсе, олардың атынан Келісімге қосылуға уәкілетті екенін. Бұл жағдайда Аккаунттағы өз қызметкерлері мен өкілдерінің әрекеттері үшін жауап беретін осы заңды тұлға немесе жеке кәсіпкер Пайдаланушы болып есептеледі;
  3. көрсетілген электрондық пошта мекенжайы өзіне немесе өзі атынан әрекет ететін ұйымға тиесілі екенін.

3.4. Оператор тіркеуден бас тартуға немесе бір тұлғаға арналған Аккаунттар санын шектеуге құқылы.

4. Келісімнің нысанасы

4.1. Оператор Пайдаланушыға Платформаның бағдарламалық жасақтамасын оның функциялары шегінде, Келісімнің қолданылу мерзіміне, сублицензия беру құқығынсыз, Келісім талаптарымен пайдалануға арналған қарапайым (ерекше емес), басқаға берілмейтін лицензия береді.

4.2. Платформада Пайдаланушы:

  • Агенттерді жасай және өзгерте алады;
  • Платформаның техникалық шектеулері шегінде Агентпен Тестілік қоңыраулар жүргізе алады;
  • Тестілік қоңыраулардың тарихын, транскрипцияларын және қорытындыларын қарай алады;
  • Агент үшін компания туралы ақпарат қоса алады.

Жария тестілік қолжетімділік беру кезеңінде Платформаның функционалы браузер арқылы Агенттерді жасаумен, баптаумен және тестілеумен шектеледі. Мұндай қолжетімділік шеңберінде үшінші тұлғалардың қатысуымен нақты телефон қоңырауларын жасау және қабылдау мүмкіндігі берілмейді. Агенттерді нақты телефон қоңырауларына қосу Оператормен келісілген талаптар бойынша жеке жүзеге асырылады.

4.3. Платформа «сол күйінде» ұсынылады. Оператор функцияларды өзгертуге, қосуға және өшіруге, сондай-ақ техникалық шектеулер (Агенттер саны, Тестілік қоңыраудың ұзақтығы, файлдар көлемі) белгілеуге құқылы. Функциялардың елеулі қысқартылуы туралы Оператор Пайдаланушыны өзгерістерді Платформада немесе Оператордың сайтында жариялау арқылы хабардар етеді.

4.4. Тестілік қоңыраудың сапасы Пайдаланушының микрофонының, браузерінің және интернет-байланысының техникалық сипаттамаларына байланысты.

5. Аккаунт және қауіпсіздік

5.1. Пайдаланушының деректерін пайдалана отырып кіргеннен кейін Аккаунтта жасалған әрекеттер Пайдаланушы жасаған әрекеттер болып есептеледі.

5.2. Пайдаланушы өз электрондық поштасының қауіпсіздігін қамтамасыз етуге және кіру деректерін үшінші тұлғаларға бермеуге міндетті. Аккаунтқа рұқсатсыз қол жеткізу туралы Пайдаланушы Операторға Оператордың деректемелерінде көрсетілген электрондық пошта мекенжайы бойынша дереу хабарлайды.

5.3. Оператор рұқсатсыз қол жеткізуге күдік туындаған кезде кіру әрекеттерінің санын шектеуге және кіруді уақытша бұғаттауға құқылы.

5.4. Пайдаланушы кез келген уақытта баптаулар арқылы немесе Оператордың электрондық пошта мекенжайына жіберілген сұрау бойынша Аккаунтты өшіре алады. Өшірудің салдары осы Келісімнің 14-бөлімінде көрсетілген.

6. Пайдаланушының міндеттері және тыйым салынған пайдалану

6.1. Пайдаланушы Платформаны Қазақстан Республикасының заңнамасына және Келісімге сәйкес пайдалануға, сондай-ақ тіркелу кезінде дұрыс мәліметтер хабарлауға міндеттенеді.

6.2. Пайдаланушыға:

  1. алаяқтық, алдау, қорқытып алу, жалған ақпарат тарату немесе заңсыз жарнама үшін Агенттер жасауға;
  2. нақты адамдардың дауысын олардың келісімінсіз имитациялау үшін олардың дауыс жазбаларын жүктеуге;
  3. таратылуына тыйым салынған, үшінші тұлғалардың құқықтарын, оның ішінде зияткерлік меншігін, ар-намысын, қадір-қасиетін және іскерлік беделін бұзатын мәліметтерді жүктеуге;
  4. үшінші тұлғалардың дербес деректерін заңды негізсіз, сондай-ақ қолданыстағы заңнамада жүктеуге тыйым салынған деректерді жүктеуге;
  5. Платформаны заңнама талаптарын сақтамай, адамдардың құқықтарына қатысты автоматтандырылған шешімдер (кредит беру, жұмысқа қабылдау, қызметтен бас тарту) қабылдау үшін пайдалануға;
  6. техникалық шектеулерді айналып өтуге, бөгде Аккаунттарға қол жеткізуге, шамадан тыс жүктеме тудыруға, деректерді жинаудың автоматтандырылған құралдарын қолдануға;
  7. Платформаның бастапқы кодын декомпиляциялауға, дизассемблерлеуге немесе өзге тәсілмен қалпына келтіруге;
  8. бәсекелес өнім жасау немесе жасанды интеллект модельдерін оқыту үшін промпттарды, сценарийлерді және Платформа жұмысының өзге де нәтижелерін алуға;
  9. Платформаға қолжетімділікті қайта сатуға немесе оны үшінші тұлғаларға беруге

тыйым салынады.

6.3. Пайдаланушыға Агентті ол:

  • әңгімелесушінің саналы шешім қабылдауына кедергі келтіретін манипуляциялық тәсілдерді, қысымды немесе алдауды қолданатындай;
  • әңгімелесушінің жасына, мүгедектігіне, әлеуметтік жағдайына немесе өзге де мән-жайларға байланысты осалдығын пайдаланатындай;
  • адамдарды әлеуметтік мінез-құлқы немесе жеке сипаттамалары бойынша бағалайтындай немесе жіктейтіндей;
  • әңгімелесушінің эмоцияларын оның келісімінсіз анықтайтындай;
  • дербес деректерді заңнаманы бұза отырып жинайтындай

етіп баптауға тыйым салынады.

6.4. Пайдаланушы Агент баптауларының, компания туралы ақпараттың және өзге де Пайдаланушы контентінің мазмұны үшін өз бетінше жауап береді.

7. Пайдаланушы жүктейтін Үшінші тұлғалардың деректері

7.1. Пайдаланушы Платформаны пайдалану мақсатында оларды жинауға, өңдеуге және Операторға беруге заңды негіздер болған жағдайда Платформаға байланыс деректерінің базаларын, оның ішінде аттарды, телефон нөмірлерін және компаниялар туралы мәліметтерді, сондай-ақ үшінші тұлғалардың өзге де дербес деректерін (бұдан әрі – «Үшінші тұлғалардың деректері») жүктеуге құқылы.

7.2. Пайдаланушы Үшінші тұлғалардың деректерін заңды негіздерде алғанын, ал оларды Платформа арқылы жүктеу, сақтау және өңдеу Қазақстан Республикасының дербес деректер және оларды қорғау туралы заңнамасының талаптарын және тиісті субъектілердің құқықтарын бұзбайтынын растайды және кепілдік береді. Пайдаланушы заңнамада көзделген жағдайларда дербес деректер субъектілерінің қажетті келісімдерін алу үшін өз бетінше жауап береді.

7.3. Оператор Үшінші тұлғалардың деректерін тек Пайдаланушыға Платформаның функционалдық мүмкіндіктерін ұсыну мақсатында, оның ішінде жүктеу, сақтау, жүйелеу, көрсету, өзгерту, форматты тексеру және тиісті функциялар қосылғаннан кейін байланыс деректерін Пайдаланушының кейіннен пайдалануына дайындау мақсатында өңдейді.

7.4. Оператор Үшінші тұлғалардың деректерін жасанды интеллект модельдерін оқыту, қосымша оқыту, тестілеу немесе жетілдіру, өзінің маркетингтік мақсаттары, дербес клиенттік базаларды қалыптастыру не Платформа функцияларын ұсынуға байланысты емес өзге де мақсаттар үшін пайдаланбайды.

7.5. Үшінші тұлғалардың деректерін технологиялық инфрақұрылым жеткізушілеріне беруге, сондай-ақ оларды трансшекаралық беруге заңнамада көзделген құқықтық негіздер болған кезде және дербес деректерді қорғау талаптары сақтала отырып, тек Платформа функцияларын ұсыну үшін қажетті көлемде ғана жол беріледі.

7.6. Пайдаланушы өзі жүктеген Үшінші тұлғалардың деректерін Платформаның қолжетімді функциялары арқылы өз бетінше өшіруге құқылы.

7.7. Оператордың негізделген сұрауы бойынша Пайдаланушы сұрау алынған күннен бастап 5 (бес) жұмыс күні ішінде Үшінші тұлғалардың деректерін өңдеуге заңды негіздердің бар екенін растауды ұсынуға міндетті. Мұндай растау көрсетілген мерзімде ұсынылмаған жағдайда Оператор тиісті деректерді өңдеуді тоқтата тұруға, оларға қолжетімділікті шектеуге, ал заңнамада көзделген негіздер болған кезде – оларды өшіруге құқылы.

7.8. Пайдаланушы Үшінші тұлғалардың деректерін заңсыз жүктегені және пайдаланғаны үшін жауапты болады және Пайдаланушының осы бөлімде көзделген міндеттемелерді бұзуы салдарынан туындаған залалдарды Операторға толық көлемде өтейді.

8. Жасанды интеллект және синтетикалық дауыс

8.1. Пайдаланушы Copilot пен Агенттердің жасанды интеллект жүйелері болып табылатыны туралы хабардар етілген. Агенттің репликалары, Copilot ұсынатын баптаулар, сценарийлер мен промпттар жасанды интеллект жүйесі қызметінің нәтижелері болып табылады. Агенттің дауысы Синтетикалық нәтиже болып табылады.

8.2. Синтетикалық нәтижелер дәл емес, толық емес болуы немесе Пайдаланушының күткеніне сай келмеуі мүмкін. Агент сөйлеуді қате тануы немесе өзінде ақпарат жоқ сұраққа жауап беруі мүмкін. Пайдаланушы Агент баптаулары мен Тестілік қоңыраулардың нәтижелерін пайдаланар алдында оларды өз бетінше тексереді.

8.3. Агенттердің дауыстары синтезделген. Пайдаланушы оларды нақты адамдарды имитациялау үшін пайдалануға құқылы емес.

8.4. Платформаның сипаттамалары мен шектеулері:

ПараметрСипаттамасы
МақсатыДауыстық агенттерді жасау және баптау
ФункционалыСөйлеуді тану, Агент баптаулары бойынша ЖИ моделінің жауапты қалыптастыруы, сөйлеуді синтездеу
Автономдық дәрежесіОрташа – жауаптарды өзі қалыптастырады, Пайдаланушы кез келген уақытта Тестілік қоңырауды тоқтатып, баптауларды өзгерте немесе жоя алады.
ШектеулерШу, кедергілер болған кезде сөйлеуді қате тануы мүмкін; ақпарат толтырылмаған болса, дәл емес жауап беруі мүмкін
ТыйымдарАдамдарды дауысы бойынша сәйкестендірмейді; әңгімелесушінің эмоцияларын анықтамайды; үшінші тұлғалардың және Пайдаланушының құқықтары туралы шешімдер қабылдамайды
ТалаптарЗаманауи браузер, микрофон, тұрақты интернет-байланыс

8.5. Пайдаланушы кез келген уақытта Платформаның жасанды интеллект жүйелерімен өзара әрекеттесуден бас тартуға құқылы: Тестілік қоңырауды тоқтату, Агентті Copilot-сыз қолмен баптау, Аккаунтты өшіру.

9. Тестілік қоңыраулар және олардың жазбалары

9.1. Тестілік қоңырау үшін Платформа құрылғының микрофонына қолжетімділікті сұратады. Пайдаланушы қолжетімділік беруден бас тарта алады, бұл жағдайда Тестілік қоңырау мүмкін емес.

9.2. Тестілік қоңыраулардағы Пайдаланушының дауысы мен сөйлеуі сөйлеуді тану, Агентпен өзара әрекеттесуді қамтамасыз ету және Платформа функцияларын ұсыну үшін өңделеді, сондай-ақ Пайдаланушының тиісті келісімі болған кезде осы Келісімнің 10.3-тармағына сәйкес жасанды интеллект модельдерін оқыту және жетілдіру үшін пайдаланылуы мүмкін. Оператор Пайдаланушының дауысын оны биометриялық сәйкестендіру немесе аутентификациялау үшін пайдаланбайды.

10. Зияткерлік меншік және контент

10.1. Платформаға, оның бағдарламалық жасақтамасына, интерфейсіне, дерекқорларына, салалық сценарийлер үлгілеріне, жүйелік нұсқаулықтарына және HubTalk тауар белгісіне барлық айрықша құқықтар Операторға тиесілі. Пайдаланушы 4.1-тармақ бойынша Платформаны пайдалану құқығын ғана алады.

10.2. Пайдаланушы Платформаға өзі енгізетін немесе жүктейтін мәтіндер, файлдар және өзге де материалдар (Пайдаланушы контенті) Пайдаланушыға тиесілі. Оператор Пайдаланушы контентіне құқықтарға үміткер емес және ол құқықтар Операторға өтпейді. Оператор Пайдаланушы контентін тек Платформаның жұмысы және Пайдаланушыға қызмет көрсету үшін (оны сақтайды, өңдейді және интерфейсте көрсетеді), сондай-ақ 10.3-тармақта көрсетілген мақсаттарда пайдаланады.

10.3. Оператор Пайдаланушы контентін, оның ішінде ол енгізген мәтіндік сұрауларды, сипаттамаларды, нұсқаулықтарды, Агенттердің баптауларын, Платформа функцияларымен өзара әрекеттесу нәтижелерін, сондай-ақ Пайдаланушы ұсынған өзге де материалдарды Қазақстан Республикасының дербес деректер және оларды қорғау туралы, жасанды интеллект туралы және зияткерлік меншік туралы заңнамасының талаптары сақталған жағдайда, Платформаның жұмысында пайдаланылатын жасанды интеллект модельдері мен жүйелерін әзірлеу, оқыту, тестілеу, жетілдіру және олардың сапасын арттыру үшін пайдалануға құқылы.

Оператор Пайдаланушы жүктеген байланыс деректерінің базаларын, мұндай базалардағы үшінші тұлғалардың дербес деректерін, сондай-ақ Пайдаланушы Платформа арқылы кездейсоқ немесе әдейі ұсынған үшінші тұлғалардың өзге де дербес деректерін жасанды интеллект модельдерін оқыту және жетілдіру үшін пайдалануға құқылы емес.

Пайдаланушының өз дербес деректерін көрсетілген мақсаттарда пайдалануға тиісті өңдеуді қамтитын оның келісімі болған кезде жол беріледі. Осы тармақ Пайдаланушының өзіне тиесілі Контентке құқықтарын шектемейді және деректерді осы Келісімде және тиісті келісімде көзделмеген мақсаттар үшін пайдалануды көздемейді.

10.4. Платформа мен Copilot қалыптастырған Агенттің баптауларын, сценарийлері мен промпттарын Пайдаланушы тек Платформа шегінде пайдалануға құқылы. Бұл шектеу мұндай баптауларға енгізілген Пайдаланушы контентіне Пайдаланушының құқықтарына әсер етпейді.

10.5. Пайдаланушы Пайдаланушы контентінің үшінші тұлғалардың құқықтарын бұзбайтынына кепілдік береді және осы кепілдіктің бұзылуынан туындаған кінәрат-талаптардан болған залалдарды Операторға толық көлемде өтейді.

11. Пайдаланушының дербес деректері

11.1. Оператор Пайдаланушының дербес деректерін 1-қосымшадағы келісім негізінде және Құпиялылық саясатына сәйкес өңдейді.

11.2. Оператор мыналарды өңдейді: тегі, аты, әкесінің аты (бар болса); электрондық пошта мекенжайы; егер Пайдаланушы өтінім қалдырса, телефон нөмірі; Тестілік қоңыраулардағы Пайдаланушының дауысы мен сөйлеуі және олардың транскрипциялары; Пайдаланушы өзі және өз компаниясы туралы көрсеткен мәліметтер; техникалық деректер (IP-мекенжай, құрылғы мен браузердің түрі, cookie файлдары және ұқсас сәйкестендіргіштер, әрекеттер журналдары).

11.3. Өңдеу мақсаттары: тіркелу және кіру; Платформа функцияларын ұсыну; Платформаның жұмысы мәселелері бойынша және оның өтінімі бойынша Пайдаланушымен байланысу; қауіпсіздікті қамтамасыз ету; Платформаны жақсарту үшін деректерді иесіздендіру; заңнама талаптарын орындау. Пайдаланушының тиісті келісімі болған кезде Оператор сондай-ақ оның дербес деректерін ақпараттық және жарнамалық таратылымдар, жасанды интеллект модельдерін оқыту және жетілдіру үшін осы Келісімнің 10.3-тармағында көзделген тәртіппен өңдеуге құқылы.

11.4. Дербес деректер Қазақстан Республикасының аумағында орналасқан серверлерде сақталады (Дербес деректер туралы заңның 12-бабының 2-тармағы). Сөйлеуді тану және синтездеу және жасанды интеллект модельдерінің жұмысы үшін Оператор үшінші тұлғаларды, оның ішінде Қазақстан Республикасының шегінен тыс жерлерде орналасқан тұлғаларды тартуы мүмкін. Пайдаланушы өзінің дербес деректерін трансшекаралық беруге келісім береді.

11.5. Пайдаланушы Оператордың электрондық пошта мекенжайына жүгіну арқылы не Платформада көзделген функцияларды пайдалана отырып, дербес деректерді өңдеуге берілген келісімді кері қайтарып алуға құқылы. Оператор Қазақстан Республикасының заңнамасында көзделген жағдайларда және тәртіппен, өңдеу немесе сақтау заң бойынша қажет болатын жағдайларды қоспағанда, тиісті өңдеуді 10 жұмыс күні ішінде тоқтатады не дәлелді бас тартуды ұсынады. Платформаның жұмысы үшін қажетті келісімді кері қайтарып алу тиісті функцияларды пайдалану мүмкін болмауына және Келісімде көзделген тәртіппен Аккаунттың өшірілуіне әкеп соғуы мүмкін. 1-қосымшаның В және Г бөлімдерінде көзделген қосымша мақсаттарға келісім беруден бас тарту немесе келісімді кері қайтарып алу Аккаунттың өшірілуіне әкеп соқпайды және Платформаның негізгі функцияларына қолжетімділікті шектемейді.

11.6. Дербес деректерді өңдеу мәселелері бойынша өтініштерді Пайдаланушы Оператордың электрондық пошта мекенжайына жібереді. Оператор мұндай өтініштерге 16.2-тармақта көрсетілген мерзімде жауап береді.

11.7. Пайдаланушы дербес деректер субъектісі ретінде:

  • өзінің қандай деректері, қандай мақсатпен, қандай дереккөздерден және қандай мерзімде өңделетінін білуге;
  • өз деректерін өзгертуді және толықтыруды талап етуге;
  • бұзушылықпен өңделген деректерді бұғаттауды, анонимдеуді, өшіруді талап етуге;
  • өңдеуге, үшінші тұлғаларға беруге және трансшекаралық беруге берілген келісімді кері қайтарып алуға;
  • өз деректерімен өтеусіз танысуға;
  • өз құқықтарын қорғауға, оның ішінде келтірілген зиянның өтелуін талап етуге

құқылы.

11.8. Заңда көзделген негіздер болған кезде Оператор бір жұмыс күні ішінде Пайдаланушының дербес деректерін өзгертеді, толықтырады немесе бұғаттайды, ал егер өзгерту мүмкін болмаса, оларды жояды.

12. Тарифтер

12.1. Платформаға және оның жекелеген функцияларына қолжетімділік Платформада орналастырылған тарифтердің (бұдан әрі – «Тарифтер») талаптарымен беріледі. Тарифтер Келісімнің бөлігі болып табылады.

12.2. Оператор жекелеген функцияларды ақысыз ұсынуға, жаңа Тарифтер енгізуге және қолданыстағыларын өзгертуге құқылы. Тарифтердің өзгергені туралы Оператор Пайдаланушыны тиісті өзгерістер күшіне енгенге дейін кемінде 5 (бес) күнтізбелік күн бұрын хабардар етеді. Өзгерістер күшіне енгеннен кейін Пайдаланушының Платформаны пайдалануды жалғастыруы оның өзгертілген Тарифтермен келісетінін білдіреді. Тарифтердің өзгеруі ақысы төленіп қойған кезеңге қолданылмайды.

12.3. Төлем жасалмаған кезде Оператор төлем түскенге дейін Пайдаланушының ақылы функцияларға қолжетімділігін шектеуге құқылы.

13. Жауапкершілік

13.1. Тараптар Келісімді орындамағаны үшін Қазақстан Республикасының заңнамасына сәйкес, осы бөлімде белгіленген шектеулермен жауапты болады.

13.2. Оператор Платформаның үздіксіз және қатесіз жұмысына, оның Пайдаланушының мақсаттарына сәйкестігіне және Синтетикалық нәтижелердің және Платформаның жасанды интеллект жүйелері қызметінің өзге де нәтижелерінің дәлдігіне кепілдік бермейді.

13.3. Оператор Пайдаланушының алынбай қалған табысы мен жанама залалдары үшін, сондай-ақ Пайдаланушының Синтетикалық нәтижелер және Платформаның жасанды интеллект жүйелері қызметінің өзге де нәтижелері негізінде қабылдаған шешімдерінің салдары үшін жауап бермейді.

13.4. Оператордың Келісім бойынша жиынтық жауапкершілігі Пайдаланушы талап қойылғанға дейінгі 3 ай ішінде Тарифтер бойынша нақты төлеген ақы сомасымен, ал егер ақы төленбесе, – 10 айлық есептік көрсеткішке баламалы сомамен шектеледі.

13.5. 13.3 және 13.4-тармақтардың шектеулері Келісім қасақана бұзылған жағдайда және заңнамада, оның ішінде тұтынушылардың құқықтарын қорғау туралы, дербес деректер туралы және жасанды интеллект туралы заңнамада жауапкершілікті шектеуге жол берілмейтін өзге де жағдайларда қолданылмайды.

13.6. Пайдаланушы 6-бөлімді, 7-бөлімді және 10.5-тармақтың кепілдіктерін бұзғаны үшін Операторға келтірілген залалдардың, оның ішінде мемлекеттік органдар Операторға салған айыппұлдардың толық көлемінде жауап береді.

13.7. Тараптар еңсерілмейтін күш мән-жайлары кезінде, сондай-ақ Тарап бақылай алмаған байланыс желілері мен үшінші тұлғалардың инфрақұрылымы істен шыққан кезде жауапкершіліктен босатылады.

14. Тоқтата тұру және тоқтату

14.1. Келісім Пайдаланушы оған қосылған сәттен бастап мерзімсіз қолданылады.

14.2. Пайдаланушы Аккаунтты өшіру арқылы кез келген уақытта Келісімнен бас тартуға құқылы. Аккаунт өшірілгенге дейін Пайдаланушы Пайдаланушы контентін, сондай-ақ транскрипциялардың нәтижелерін және жүктеп алуға қолжетімді өзге де ақпаратты жүктеп алуға құқылы.

14.3. Оператор Пайдаланушының Аккаунтын немесе Платформаның жекелеген функцияларына қолжетімділікті:

  1. Қазақстан Республикасының заңнамасында көзделген жағдайларда;
  2. уәкілетті мемлекеттік органның талабы бойынша;
  3. Платформа қауіпсіздігіне төнген қатерді жою үшін;
  4. Пайдаланушы Келісімді бұзған кезде

бұғаттауға құқылы.

14.4. Бұғаттау туралы Оператор Пайдаланушыны Пайдаланушы көрсеткен байланыс деректері бойынша хабардар етеді. Пайдаланушы Оператордың электрондық пошта мекенжайына өтініш жіберу арқылы бұғаттауға шағым жасауға құқылы. Оператор өтінішті 10 жұмыс күні ішінде қарайды.

14.5. Оператор 10 жұмыс күні бұрын хабардар ете отырып, оның ішінде Аккаунт 12 айдан астам белсенді болмаған кезде, Келісімнен біржақты тәртіппен бас тартуға құқылы.

14.6. Келісім тоқтатылғаннан кейін Оператор сақталуы заң бойынша талап етілетін мәліметтерді қоспағанда, Аккаунтты, Агенттердің баптауларын, Пайдаланушы контентін, Тестілік қоңыраулардың жазбалары мен транскрипцияларын өшіреді. Оператор Келісімнен бас тартқан кезде Пайдаланушы хабарлама мерзімі өткенге дейін деректерді жүктеп беруді сұрай алады.

15. Келісімді өзгерту

15.1. Оператор Келісімді өзгертуге құқылы. Елеулі өзгерістер туралы Оператор Пайдаланушыны олар күшіне енгенге дейін кемінде 5 күнтізбелік күн бұрын электрондық пошта арқылы және Платформа интерфейсінде хабардар етеді.

15.2. Егер Пайдаланушы өзгерістермен келіспесе, ол өзгерістер күшіне енгенге дейін Аккаунтты өшіруге құқылы. Өзгерістер күшіне енгеннен кейін Платформаны пайдалануды жалғастыру олармен келісуді білдіреді.

15.3. Заңнама талаптарына немесе қауіпсіздікке төнген қатерлерді жоюға байланысты өзгерістер жарияланған сәттен бастап күшіне енуі мүмкін.

16. Хабарламалар

16.1. Оператор Пайдаланушыға хабарламаларды Аккаунттың электрондық пошта мекенжайына және (немесе) Платформа интерфейсінде жібереді. Хабарлама жіберілген күні алынды деп есептеледі.

16.2. Пайдаланушы Операторға хабарламалар мен өтініштерді Оператордың электрондық пошта мекенжайына жібереді. Егер Қазақстан Республикасының заңнамасында неғұрлым қысқа мерзім белгіленбесе, Оператор өтініштерге 10 жұмыс күні ішінде жауап береді.

17. Қолданылатын құқық және дауларды шешу

17.1. Келісім Қазақстан Республикасының құқығымен реттеледі.

17.2. Тараптар дауларды келіссөздер арқылы шешеді. Кінәрат-талап жазбаша нысанда, оның ішінде электрондық пошта арқылы жіберіледі. Кінәрат-талапқа жауап беру мерзімі – 15 күнтізбелік күн.

17.3. Егер дау реттелмесе, ол Оператордың орналасқан жері бойынша сотқа беріледі. Бұл ереже тұтынушы болып табылатын Пайдаланушының тұтынушылардың құқықтарын қорғау туралы заңнамада берілген соттылықты таңдау құқығын шектемейді.

17.4. Егер Келісімнің қандай да бір ережесі жарамсыз деп танылса, қалған ережелер күшін сақтайды.

17.5. Оператордың Платформаны кәсіпкерлік қызметке байланысты емес жеке қажеттіліктері үшін пайдаланатын жеке тұлға болып табылатын Пайдаланушымен қатынастарына Қазақстан Республикасының тұтынушылардың құқықтарын қорғау туралы заңнамасының императивтік нормалары қолданылады.

18. Оператордың деректемелері

Атауы«Cybernet (Кибернет)» жауапкершілігі шектеулі серіктестігі
БСН200340022598
Заңды мекенжайыҚазақстан Республикасы, Алматы қ., Марков көшесі, 22/37, 5-қабат
Оператордың электрондық поштасыsupport@hubtalk.ai
Сайтhttps://app.hubtalk.kz

1-қосымша. Дербес деректерді жинауға және өңдеуге келісім

HubTalk Платформасында тіркелу кезінде тиісті өріске белгі қоя отырып, мен «Дербес деректер және оларды қорғау туралы» Қазақстан Республикасының Заңына сәйкес «Cybernet (Кибернет)» ЖШС-ға, БСН 200340022598, мекенжайы: Алматы қ., Марков көшесі, 22/37, 5-қабат (бұдан әрі – «Оператор»), менің дербес деректерімді осы Қосымшаның А және Б бөлімдерінде көрсетілген мақсаттарда және талаптармен жинауға және өңдеуге келісім беремін.

А. Дербес деректерді өңдеу

ТалапМазмұны
Деректер тізбесіТегі, аты, әкесінің аты (бар болса); электрондық пошта мекенжайы; телефон нөмірі (егер мен өтінім қалдырсам); тестілік қоңыраулардағы дауыс, сөйлеу және олардың транскрипциялары; мен Платформада көрсететін өзім және өз компаниям туралы мәліметтер; IP-мекенжай, құрылғы және браузер туралы деректер, cookie файлдары және ұқсас сәйкестендіргіштер, әрекеттер журналдары.
МақсаттарыТіркелу және кіру; Платформа функцияларын ұсыну; менің өтінімімді қарау және менімен байланысу; қауіпсіздікті қамтамасыз ету; Платформаны жақсарту үшін деректерді иесіздендіру; қолданылатын заңнама талаптарын орындау.
ӘрекеттерАвтоматтандыру құралдарын пайдалана отырып және оларсыз жинау, жазу, жүйелеу, жинақтау, сақтау, нақтылау, пайдалану, иесіздендіру, бұғаттау, өшіру және жою.
Үшінші тұлғаларға беруДеректерді Оператордың тапсырмасы бойынша және тек көрсетілген мақсаттар үшін өңдейтін хостинг, пошталық таратылым, сөйлеуді тану және синтездеу және жасанды интеллект модельдері жеткізушілеріне.
Жалпыға қолжетімді дереккөздерде таратуЖүзеге асырылмайды.
Автоматтандырылған шешімдерОператор маған қатысты құқықтық салдарлар туындататын шешімдерді тек автоматтандырылған өңдеу негізінде қабылдамайды.
Сақтау орныҚазақстан Республикасының аумағындағы база.
МерзіміКелісімнің қолданылу мерзімі ішінде Аккаунт өшірілгенге немесе келісім кері қайтарып алынғанға дейін, кейіннен өшіріле отырып, бірақ мақсаттарға қол жеткізу үшін қажетті мерзімнен аспайды. Қолданыстағы заңнаманың талаптарында неғұрлым ұзақ мерзім белгіленген жағдайларда – тиісті талаптарда белгіленген мерзім шегінде.
Кері қайтарып алуОператордың электрондық пошта мекенжайына өтініш жіберу арқылы немесе Аккаунттың қолжетімді баптаулары арқылы. Оператор өңдеу немесе сақтау заң бойынша талап етілетін жағдайларды қоспағанда, тиісті өңдеуді 10 жұмыс күні ішінде тоқтатады не дәлелді бас тартуды ұсынады.

Б. Трансшекаралық беру

Мен Платформаның жұмысы мақсатында менің деректерімді сөйлеуді тану және синтездеу технологиялары және жасанды интеллект модельдері жеткізушілеріне трансшекаралық беруге келісім беремін.

В. Ақпараттық және жарнамалық таратылымдар

Мен электрондық пошта мекенжайына және телефон нөмірі бойынша Платформа туралы жаңалықтар мен Оператордың ұсыныстарын алуға келісемін. Мен Платформаның негізгі функцияларын пайдалануды тоқтатпай, кез келген уақытта таратылымдардан бас тартуға құқылымын.

Г. Жасанды интеллект модельдерін оқыту

Мен Келісімнің 10.3-тармағында көзделген көлемде және талаптармен HubTalk жасанды интеллект модельдері мен жүйелерін оқыту, тестілеу және жетілдіру үшін менің дербес деректерімді, оның ішінде менің дауысымды, сөйлеуімді, олардың транскрипцияларын және Платформада ұсынылған менің өзге де дербес деректерімді пайдалануға келісім беремін. Үшінші тұлғалардың деректері, оның ішінде жүктелген клиенттік базалар, бұл мақсаттар үшін пайдаланылмайды.

Дербес деректерді пайдалануға берілген келісімді кері қайтарып алу Аккаунттың тиісті баптауларын өзгерту (мұндай функция болған жағдайда) не Оператордың электрондық пошта мекенжайына өтініш жіберу арқылы жүзеге асырылады. Оператор тиісті өңдеуді келісімді кері қайтарып алу туралы өтініш алынған күннен бастап 10 жұмыс күні ішінде тоқтатады, оны жалғастыруға Қазақстан Республикасының заңнамасында жол берілетін немесе талап етілетін жағдайларды қоспағанда, не дәлелді бас тартуды ұсынады. Келісім беруден бас тарту немесе оны кері қайтарып алу Аккаунттың өшірілуіне әкеп соқпайды және Платформаның негізгі функцияларына қолжетімділікті шектемейді.

Phone number +7 700-644-92-09 Email info@cyber-net.ai Address Қазақстан Республикасы, Алматы, 050060, Маркова көшесі, 22/37 үй, "RAMS" бизнес орталығы, 5 этаж Сенім орталығы Пайдаланушы келісімі Құпиялылық саясаты